Франция терма жамоаси бош мураббийи Диде Дешам 2024 йилги Европа чемпионати гуруҳ босқичи 1-турида Австрия терма жамоасига қарши ўйиндаги ғалаба (1:0) ҳақида гапирди.

"Футболчиларимнинг ҳаракатларидан қониқиш ҳосил қилдим. Бизда ҳамма нарсани эртароқ якунлаш учун имкониятлар бўлди, аммо осон ўйинлар йўқ. Ҳужумда зўр ўйинчиларга эга бўлсак-да, ҳаммасини яхши бажара олмадик. Биз ҳужумда аниқроқ бўлишимиз керак эди, лекин, албатта, асосийси, турнирни ғалаба билан бошладик", деди Дешам.

Дастлабки турдан сўнг французлар ва голландлар уч очкодан жамғаришди.