Portugaliya terma jamoasi markaziy himoyachisi Pepe jamoasining Chexiyaga (2:1) qarshi uchrashuvdagi o‘yinini yuqori baholadi.
Roberto Martines shogirdlari guruh bosqichining birinchi turdagi o‘yinda 92-daqiqada g‘alaba to‘pini kiritishdi – Fransishku Konseysau gol urdi. 41 yoshli Pepe butun o‘yinni maydonda o‘tkazdi va Yevropa chempionati tarixidagi eng keksa futbolchiga aylandi.
"Bu og‘ir oqshom. Biz qattiq mehnat qildik, lekin bunday azoblarga loyiq emasdik. Deyarli butun o‘yin davomida biz o‘yinni nazorat qildik va gol o‘tkazib yuborganimizdan keyin ham xotirjamlikni saqlab qoldik. Chexiyaning himoyadagi bunday ishonchli o‘yiniga qarshilik ko‘rsatish qiyin edi – biz ko‘p harakat qilishimiz kerak edi, ammo maqsadimizga erishdik", — dedi Portugaliya terma jamoasi faxriysi.
