Yulian Nagelsmanning fikricha, Toni Kroos dunyoning eng yaxshi 3 ta to‘p uzatuvchisidan biri.
Bugun Germaniya terma jamoasi Yevro-2024 doirasidagi ikkinchi uchrashuvini Vengriyaga qarshi o‘tkazadi. Dastlabki o‘yinda nemislar Shotlandiyani 5:1 hisobida mag‘lub etishdi.
“U hali ham jamoa uchun imkoniyatlar yaratish uchun eng yaxshi pozisiyalarda o‘yinchilarni topa oladigan dunyoning eng yaxshi uch futbolchisidan biri. O‘ylaymanki, u bugun yana ishonchni oqlaydi.
Undan himoyalanish unchalik oson emas. Menimcha, Vengriyaning unga qarshi qanday himoyalanish borasidagi rejasi shotlandlarnikidan biroz yaxshiroq bo‘ladi.
Ammo Toni yechim topish uchun yetarlicha aqlli va zukko, u katta ta’sir ko‘rsatadi", - dedi Germaniya bosh murabbiyi.
Oldinroq 34 yoshli Kroos Yevrodan keyin faoliyatini yakunlashini e’lon qilgandi.