Юлиан Нагельсманнинг фикрича, Тони Кроос дунёнинг энг яхши 3 та тўп узатувчисидан бири.
Бугун Германия терма жамоаси Евро-2024 доирасидаги иккинчи учрашувини Венгрияга қарши ўтказади. Дастлабки ўйинда немислар Шотландияни 5:1 ҳисобида мағлуб этишди.
“У ҳали ҳам жамоа учун имкониятлар яратиш учун энг яхши позицияларда ўйинчиларни топа оладиган дунёнинг энг яхши уч футболчисидан бири. Ўйлайманки, у бугун яна ишончни оқлайди.
Ундан ҳимояланиш унчалик осон эмас. Менимча, Венгриянинг унга қарши қандай ҳимояланиш борасидаги режаси шотландларникидан бироз яхшироқ бўлади.
Аммо Тони ечим топиш учун етарлича ақлли ва зукко, у катта таъсир кўрсатади", - деди Германия бош мураббийи.
Олдинроқ 34 ёшли Кроос Евродан кейин фаолиятини якунлашини эълон қилганди.
