Xorvatiya terma jamoasi futbolchisi Andrey Kramarich Albaniya bilan 2024 yilgi Yevropa chempionati bahsidan so‘ng o‘z fikrlarini bildirib o‘tdi.
Eslatib o‘tamiz, uchrashuv chorshanba kuni bo‘lib o‘tgan va 2:2 hisobida yakunlangan, Kramarich ushbu uchrashuvning eng yaxshi futbolchisi deb topilgan edi.
"Oldinda bizni nima kutayotganini bilamiz. Biz har doim muammolarni eng qiyin yo‘l bilan hal qilishimiz kerak, so‘nggi soniyalargacha kurashamiz.
Bu safar ham shunday bo‘lsin, xudo xohlasa guruhdan chiqamiz. Bilaman, biz Italiyaga qarshi o‘ynayapmiz, u mening fikrimcha, guruhdagi eng yaxshi jamoa.
Biz bugun ikkinchi bo‘limda ko‘rsatgan kuchimizni takrorlab, uch ochko olishimiz kerak", - dedi Kramarich.
