Хорватия терма жамоаси футболчиси Андрей Крамарич Албания билан 2024 йилги Европа чемпионати баҳсидан сўнг ўз фикрларини билдириб ўтди.

Эслатиб ўтамиз, учрашув чоршанба куни бўлиб ўтган ва 2:2 ҳисобида якунланган, Крамарич ушбу учрашувнинг энг яхши футболчиси деб топилган эди. 

"Олдинда бизни нима кутаётганини биламиз. Биз ҳар доим муаммоларни энг қийин йўл билан ҳал қилишимиз керак, сўнгги сонияларгача курашамиз.

Бу сафар ҳам шундай бўлсин, худо хоҳласа гуруҳдан чиқамиз. Биламан, биз Италияга қарши ўйнаяпмиз, у менинг фикримча, гуруҳдаги энг яхши жамоа.

Биз бугун иккинчи бўлимда кўрсатган кучимизни такрорлаб, уч очко олишимиз керак", - деди Крамарич.