"Barselona"ning sobiq himoyachisi Jerar Pike 2024-yilgi Yevropa chempionatining favoriti deb qaysi jamoalarni hisoblashi haqida gapirdi.
“Nemislarda chempionlik uchun imkoniyat bor. Ular turnir mezboni, shuning uchun ularga qarshi chiqish hamma uchun qiyin bo‘ladi.
Ispaniya terma jamoasini ham eslatib o‘taman, hozir xuddi Germaniya kabi avlodlar almashmoqda. So‘nggi yillarda ispanlar o‘zlarini yaxshi ko‘rsatishdi, shuning uchun ham ularni g‘alabaga da’vogar deb bilaman", - deya Pikening so‘zlarini keltiradi Sport Bild.