Serbiya terma jamoasi Yevro-2024ni guruh bosqichining uchinchi turigacha chempionatni tark etishi mumkin. Bu haqda Serbiya futbol ittifoqi bosh kotibi Yovan Surbatovich izoh berdi.

Funksionerning ta’kidlashicha, serblar chorshanba kuni bo‘lib o‘tgan o‘yinda o‘z muxlislarining hayqiriqlari uchun Xorvatiya va Albaniya terma jamoalarini jazolashni talab qilmoqda.

"Bo‘lgan o‘tgan voqea - janjal. Biz turnirni tark etishga majbur bo‘lsak ham UYEFAdan sanksiyalar so‘raymiz. Biz ikkala uyushma ham jazolanishini talab qilamiz. Agar UYEFA buni qilmasa, unda biz chempionatda ishtirok etishni xohlamaymiz. Keyin nima qilishni o‘ylab ko‘ramiz", - dedi Surbatovich RTS bilan suhbatda.

Payshanba kuni Serbiya terma jamoasi Yevropa chempionati doirasida Sloveniyaga qarshi o‘yin o‘tkazadi.