Rodrigo Bentankur Son Xin Mindan koreyslar haqidagi hazili uchun uzr so‘radi.
Avvalroq ijtimoiy tarmoqlarda urugvaylik "Tottenxem" yarim himoyachisi ishtirokidagi video tarqalib ketgandi. Unda teleboshlovchi Bentankurdan jamoadoshining futbolkasini so‘raydi.
“Son? Bu Sonnining amakivachchasining futbolkasi ham bo‘lishi mumkin. Ularning barchasi bir xil ko‘rinishga ega", - deb javob bergandi Rodrigo.
Ushbu vaziyatdan so‘ng Son bu haqda gapirdi.
“Men Bentankur bilan gaplashdim. U xato qildi, buni biladi va kechirim so‘radi. U hech qachon qasddan haqoratli so‘z aytmasdi. Biz birodarmiz va hech narsa o‘zgarmadi.
Biz buni yengib o‘tdik va mavsumoldi yana birga bo‘lib, klubimiz uchun birdek kurashamiz”, dedi “Tottenxem” hujumchisi Son Xyon Min.
