Родриго Бентанкур Сон Хин Миндан корейслар ҳақидаги ҳазили учун узр сўради.
Аввалроқ ижтимоий тармоқларда уругвайлик "Тоттенхэм" ярим ҳимоячиси иштирокидаги видео тарқалиб кетганди. Унда телебошловчи Бентанкурдан жамоадошининг футболкасини сўрайди.
“Сон? Бу Соннининг амакиваччасининг футболкаси ҳам бўлиши мумкин. Уларнинг барчаси бир хил кўринишга эга", - деб жавоб берганди Родриго.
Ушбу вазиятдан сўнг Сон бу ҳақда гапирди.
“Мен Бентанкур билан гаплашдим. У хато қилди, буни билади ва кечирим сўради. У ҳеч қачон қасддан ҳақоратли сўз айтмасди. Биз биродармиз ва ҳеч нарса ўзгармади.
Биз буни енгиб ўтдик ва мавсумолди яна бирга бўлиб, клубимиз учун бирдек курашамиз”, деди “Тоттенхэм” ҳужумчиси Сон Хён Мин.
