Bugun Chirchiq shahrida og‘ir atletika bo‘yicha o‘smirlar o‘rtasida (U-17) Markaziy Osiyo chempionatining tantanali ochilish marosimi bo‘lib o‘tdi.
Tadbirda O‘zbekiston Respublikasi Sport vaziri Adkham Ikramov, vazir o‘rinbosari, O‘zbekiston og‘ir atletika federasiyasi raisining birinchi o‘rinbosari Shahrillo Maxmudov hamda Olimpiya o‘yinlari chempioni, Qirg‘iziston og‘ir atletikani rivojlantirish markazi direktori Qanibek Osmanaliyev ishtirok etdi.
Marosimda so‘z olgan vazir Adkham Ikramov so‘nggi yillarda mamlakatimizda muhtaram Prezidentimiz tomonidan sport sohasiga alohida e’tibor qaratilayotgani va buning natijasida yurtimizda ushbu sport turi yanada rivoj topayotgani haqida to‘xtalib o‘tdi.
Ochilish marosimi davomida musobaqaning faxriy mehmonlariga esdalik sovg‘alari topshirildi.
