Londonning “Chelsi” klubi “Atletiko”ning 20 yoshli hujumchisi Samuel Omorodionning transferi bo‘yicha uchta taklif bilan chiqdi. Bu haqda jurnalist va insayder Matteo Moretto xabar bermoqda.
Manbaga ko‘ra, London klubi ispaniyalik hujumchini transfer qilish uchun Madridning "Atletiko"siga uch marta murojaat qilgan. “Ko‘klar”ning so‘nggi taklifi 50 million yevro va bonuslarga yetdi, biroq “matraschilar” futbolchini sotishdan bosh tortdi.
Malumotlarga ko‘ra, Madridning "Atletiko" klubi Omorodionni keyingi mavsumda saqlab qolmoqchi. Avvalroq OAVda yozda 80 million yevro taklif qilinsa, futbolchi jamoani tark etishi mumkinligi haqida xabarlar tarqalgandi.
