Лондоннинг “Челси” клуби “Атлетико”нинг 20 ёшли ҳужумчиси Самуэль Омородионнинг трансфери бўйича учта таклиф билан чиқди. Бу ҳақда журналист ва инсайдер Маттео Моретто хабар бермоқда.
Манбага кўра, Лондон клуби испаниялик ҳужумчини трансфер қилиш учун Мадриднинг "Атлетико"сига уч марта мурожаат қилган. “Кўклар”нинг сўнгги таклифи 50 миллион евро ва бонусларга етди, бироқ “матрасчилар” футболчини сотишдан бош тортди.
Малумотларга кўра, Мадриднинг "Атлетико" клуби Омородионни кейинги мавсумда сақлаб қолмоқчи. Аввалроқ ОАВда ёзда 80 миллион евро таклиф қилинса, футболчи жамоани тарк этиши мумкинлиги ҳақида хабарлар тарқалганди.
