Ukraina terma jamoasi bosh murabbiyi Sergey Rebrov Yevropa chempionati guruh bosqichi 2-turidan o‘rin olgan Slovakiya terma jamoasiga qarshi o‘yin haqida gapirdi. Ukrainaliklar 2:1 hisobida irodali g‘alabaga erishdi.
"Futbolchilar uchun juda xursandman. O‘tkazib yuborilgan golga juda yaxshi munosabat bildirdik. Tanaffusda pressing pozisiyamizni o‘zgartirdik. Zaxiradan maydonga tushgan futbolchilar bizga yordam berishdi. Eng muhimi, biz o‘z ruhimizni ko‘rsatdik. Biz haqiqatdan ham natijani o‘zgartirishga harakat qildik va g‘alaba qozonishga haqli edik.
Ruminiyaga qarshi juda yomon o‘ynadik, lekin yigitlar boshqacha xarakter ko‘rsatishdi va g‘alabaga haqli edilar. Bor e’tiborimizni keyingi o‘yinga qaratishimiz kerak, ammo bu jamoa va mamlakat uchun juda muhim g‘alaba bo‘ldi", - deya Rebrovning so‘zlarini keltiradi UEFA rasmiy sayti.
