Украина терма жамоаси бош мураббийи Сергей Ребров Европа чемпионати гуруҳ босқичи 2-туридан ўрин олган Словакия терма жамоасига қарши ўйин ҳақида гапирди. Украиналиклар 2:1 ҳисобида иродали ғалабага эришди.
"Футболчилар учун жуда хурсандман. Ўтказиб юборилган голга жуда яхши муносабат билдирдик. Танаффусда прессинг позициямизни ўзгартирдик. Захирадан майдонга тушган футболчилар бизга ёрдам беришди. Энг муҳими, биз ўз руҳимизни кўрсатдик. Биз ҳақиқатдан ҳам натижани ўзгартиришга ҳаракат қилдик ва ғалаба қозонишга ҳақли эдик.
Руминияга қарши жуда ёмон ўйнадик, лекин йигитлар бошқача характер кўрсатишди ва ғалабага ҳақли эдилар. Бор эътиборимизни кейинги ўйинга қаратишимиз керак, аммо бу жамоа ва мамлакат учун жуда муҳим ғалаба бўлди", - дея Ребровнинг сўзларини келтиради УEФА расмий сайти.
