Oldinroq xabar berganimizdek, Xalqaro Olimpiya qo‘mitasi bir qancha sport turlarida yo‘llanmalarni qaytadan taqsimlab chiqmoqda.
Aynan shu orqali ayollar kurashi doirasida 57 kg vazn toifasidagi hamyurtimiz Layloxon Sobirovaga Olimpiada yo‘llanmasi nasib qildi.
Yaqinda, XOQ Parij Olimpiadasida ishtirok etadigan neytral maqomdagi rossiyalik sportchilar ro‘yxatini e’lon qilgan edi. Ushbu ro‘yxatdan o‘rin olmagan, ammo lisenziyaga ega sportchilarning yo‘llanmalari qaytadan taqsimlanmoqda.
Shu holat sabab taekvondochi Nikita Rafalovich, og‘ir atletikachi Tursunoy Jabborova hamda endilikda kurash ustasi Layloxon Sobirova Olimpiya o‘yinlari chiptasining omadli egasiga aylandi.
Shu tariqa, ayollar kurashidagi lisenziyalarimiz soni 2 ta, umumiy sport kurashlarida esa 8 taga yetdi.
