Voysex Shesni «Yuventus»ni tark etishga yaqin turibdi.

34 yoshli polshalik darvozabon kelasi haftada «An-Nasr»ga o‘tishini yakunlashi kutilmoqda, deb yozadi "Football Italia" "Tuttosport" nashriga tayanib.

Manbaga ko‘ra, Shesni avvaliga bu yozda Saudiya klubiga o‘tishni rejalashtirmagan, ammo yakunda yiliga taxminan 19 million yevrolik ikki yillik shartnoma imzolashga rozi bo‘lgan.

Qayd etilishicha, «An-Nasr» «Yuventus»ga taxminan 4 million yevro to‘laydi, bu esa turinliklarga yangi futbolchilarga joy bo‘shatish imkonini beradi.