Kataloniyaning "Barselona" klubi hujumchisi Mark Giu tez orada jamoasi bilan rasman xayrlashishi mumkin. AS xabariga ko‘ra, ispaniyalik futbolchi klubni tark etishga yaqin turibdi.
Hujumchining shartnomasida tovon puli 6 million yevro qilib belgilangan. Oldinroq "Chelsi" ispaniyalik uchun zarur bo‘lgan pulni to‘lashga tayyorligi xabar qilingandi. Poygada Myunxenning “Bavariya” klubi ham ishtirok etmoqda.
So‘nggi Ispaniya chempionatida Giu jamoadagi ilk o‘yinida zaxiradan maydonga tushganidan so‘ng "Barselona"dagi debyut golini kiritdi. 18 yoshli ispaniyalik futbolchi La Ligada bor yo‘g‘i 3 ta o‘yin o‘tkazdi.
