Belgiya terma jamoasi hujumchisi Jeremi Doku Germaniyada bo‘lib o‘tayotgan Yevropa chempionati guruh bosqichining eng yaxshi o‘yinchisini kim deb bilishi haqida gapirdi.
"Ushbu Yevropa chempionatida tomosha qilishni yoqtiradigan narsam bu Jamol Musiala. Uning to‘p bilan nima qila olishi aql bovar qilmaydi. Bu menga juda yoqadi", — deya Doku so‘zlarini keltiradi Bild.
Uch turdan keyin Germaniya terma jamoasi yetti ochko jamg‘arib, “A” guruhida peshqadamlik qildi.
O‘tgan mavsumda Jamol barcha turnirlarda 41 ta o‘yinda ishtirok etib, 15 ta gol va 8 ta golli uzatmaga mualliflik qilgan.
