Angliya terma jamoasi bosh murabbiyi Garet Sautgeytning fikricha, uning jamoasi oldingi o‘yinlar bilan solishtirganda muvaffaqiyatga erishgan.

Inglizlar guruh bosqichining so‘nggi turida Sloveniya terma jamoasi himoyasini yorib o‘ta olmadi (0:0), ammo bu ularga birinchi o‘rindan 1/8 finalga chiqishga to‘sqinlik qilmadi.

"O‘ylashimcha, jamoa avvalgiga nisbatan o‘sish ko‘rsatdi. Biz o‘yinni asosan nazorat qildik, 70% dan ko‘prog‘ida to‘pga egalik qildik, bularning barchasi ayniqsa ikkinchi bo‘limda yaqqol namoyon bo‘ldi. Raqib birin-ketin hujumlarni qaytarishga majbur bo‘ldi", dedi Sautgeyt.