Англия терма жамоаси бош мураббийи Гарет Саутгейтнинг фикрича, унинг жамоаси олдинги ўйинлар билан солиштирганда муваффақиятга эришган.
Инглизлар гуруҳ босқичининг сўнгги турида Словения терма жамоаси ҳимоясини ёриб ўта олмади (0:0), аммо бу уларга биринчи ўриндан 1/8 финалга чиқишга тўсқинлик қилмади.
"Ўйлашимча, жамоа аввалгига нисбатан ўсиш кўрсатди. Биз ўйинни асосан назорат қилдик, 70% дан кўпроғида тўпга эгалик қилдик, буларнинг барчаси айниқса иккинчи бўлимда яққол намоён бўлди. Рақиб бирин-кетин ҳужумларни қайтаришга мажбур бўлди", деди Саутгейт.
