Niderlandiya terma jamoasi bosh murabbiyi Ronald Kuman terma jamoaning 2024 yilgi Yevropa chempionati guruh bosqichi 3-turi doirasidagi Avstriyaga (2:3) qarshi o‘yindagi mag‘lubiyatini tushuntirdi.
"Biz ko‘p jihatlarda juda yomon boshladik, raqibda ko‘plab imkoniyatlar bo‘ldi. Biz tajovuzkor bo‘lmadik va raqibga yetarlicha bosim o‘tkaza olmadik.
Maydonda mas’uliyatni o‘z zimmamizga olishimiz kerak. Biz bundan yaxshiroq natijaga loyiq emasdik. Bu juda yomon o‘yin bo‘ldi. Boshida o‘yinni nazorat qilmadik, keyinroq biroz yaxshiroq o‘ynadik va bir qancha imkoniyatlar bo‘ldi, biroq ular bizni xatolarimiz uchun jazolashdi", - deya Kumanning so‘zlarini keltiradi UEFA matbuot xizmati.
