Нидерландия терма жамоаси бош мураббийи Рональд Куман терма жамоанинг 2024 йилги Европа чемпионати гуруҳ босқичи 3-тури доирасидаги Австрияга (2:3) қарши ўйиндаги мағлубиятини тушунтирди.

"Биз кўп жиҳатларда жуда ёмон бошладик, рақибда кўплаб имкониятлар бўлди. Биз тажовузкор бўлмадик ва рақибга етарлича босим ўтказа олмадик.

Майдонда масъулиятни ўз зиммамизга олишимиз керак. Биз бундан яхшироқ натижага лойиқ эмасдик. Бу жуда ёмон ўйин бўлди. Бошида ўйинни назорат қилмадик, кейинроқ бироз яхшироқ ўйнадик ва бир қанча имкониятлар бўлди, бироқ улар бизни хатоларимиз учун жазолашди", - дея Куманнинг сўзларини келтиради УEФА матбуот хизмати.