Hujumchi Fil Fodenning Angliya terma jamoasi ixtiyorini tark etishi sababi ma’lum bo‘ldi. Avvalroq, 24 yoshli futbolchi oilaviy sabablarga ko‘ra jamoani tark etgani haqida ma’lumotlar paydo bo‘lgandi.
Taniqli jurnalist Fabrisio Romano ijtimoiy tarmoqdagi sahifasida Foden tug‘ilishi arafasida turgan uchinchi farzandining tug‘ilishi munosabati bilan uyiga qaytganiga oydinlik kiritdi.
Manbaga ko‘ra, Foden 30 iyun, yakshanba kuni Angliya terma jamoasiga qo‘shiladi.
Eslatib o‘tamiz, Angliya terma jamoasi uch turda besh ochko jamg‘arib, "C" guruhida birinchi o‘rinni egalladi.
Garet Sautgeyt jamoasining 1/8 finaldagi raqibi Slovakiya bo‘ladi. Uchrashuv 30 iyun kuni, Toshkent vaqti bilan soat 21:00da boshlanadi.
