Ҳужумчи Фил Фоденнинг Англия терма жамоаси ихтиёрини тарк этиши сабаби маълум бўлди. Аввалроқ, 24 ёшли футболчи оилавий сабабларга кўра жамоани тарк этгани ҳақида маълумотлар пайдо бўлганди.
Таниқли журналист Фабрицио Романо ижтимоий тармоқдаги саҳифасида Фоден туғилиши арафасида турган учинчи фарзандининг туғилиши муносабати билан уйига қайтганига ойдинлик киритди.
Манбага кўра, Фоден 30 июнь, якшанба куни Англия терма жамоасига қўшилади.
Эслатиб ўтамиз, Англия терма жамоаси уч турда беш очко жамғариб, "C" гуруҳида биринчи ўринни эгаллади.
Гарет Саутгейт жамоасининг 1/8 финалдаги рақиби Словакия бўлади. Учрашув 30 июнь куни, Тошкент вақти билан соат 21:00да бошланади.
