Бразилия миллий терма жамоасининг 34 ёшли ҳимоячиси Данило ўзи билан «Реал» ва «Ювентус»да бирга тўп тепган португалиялик ҳужумчи Криштиану Роналду ҳақида фикр билдирди.

«Ҳа, мен у билан «Реал»да ҳам бирга ўйнаганман. Туринда у анча тажрибали эди, аммо шунга қарамай кўп гол урар ва ҳар доим юқори даражада профессионал бўлиб қоларди. У сизни ривожланишга, машғулотлар ва ўйинларда бор кучингизни ишга солишга мажбур қиларди.

Одамлар Криштиануни гўё ўзга сайёралик деб ўйлайди, аммо аслида у кула оладиган, оиласи билан вақт ўтказадиган ва ҳаётдан завқ оладиган оддий инсон. Шу билан бирга, у ҳар куни янада яхшироқ бўлишга интилиб, деярли барча ишларида футбол билан яшайди», — деди Данило.