Angliya terma jamoasi hujumchisi Entoni Gordon yozgi transfer oynasida «Nyukasl»dan kattaroq klubga o‘tishi mumkin. "The Guardian" xabariga ko‘ra, «Liverpul» 23 yoshli futbolchiga qiziqishi davom etmoqda, ammo muzokaralar himoyachi Jarell Kuansa shartnomaning bir qismi bo‘lmasligi aniq bo‘lgach, muzokaralar uzilib qolgan.

«Liverpul» yaqin orada Gordon bo‘yicha muzokaralarni davom ettirishi mumkin. Qolaversa, ingliz futbolchisi «PSJ»ning radarida.

"Transfermarkt" portali mutaxassislari Entoni Gordonni 60 million yevroga baholamoqda. O‘tgan mavsumda hujumchi 48 ta o‘yinda 12 ta gol urdi va jamoadoshlari uchun 11 ta golli uzatmani amalga oshirdi.