29-30 iyun kunlari Toshkent viloyatining Angren shahrida joylashgan “Yangiobod” sport bazasida para pauerlifting bo‘yicha o‘smirlar, yoshlar va kattalar o‘rtasida O‘zbekiston chempionati tashkil etildi.
Musobaqalarda mamlakatimizning turli hududlaridan jami 300 nafarga yaqin para sportchi ishtirok etdi.
Ta’kidlash kerakki, ushbu chempionat 2025 yil Toshkentda o‘tadigan yoshlar Para Osiyo o‘yinlari hamda 2026 yil Yaponiyaning Aichi-Nagoya shaharlari mezbonlik qiladigan Para Osiyo o‘yinlarida yurtimiz sharafini himoya qiladigan munosib para pauerliftingchilarni saralab olishga xizmat qiladi.
