“An-Nasr” “Manchester Siti” darvozaboni Edersonga shartnoma taklifi bilan murojaat qildi. Jurnalist Sezar Luis Merloning xabariga ko‘ra, braziliyalik futbolchiga yiliga 30 million yevro maosh bilan ikki yillik shartnoma taklif qilingan.

Ma’lum qilinishicha, Ederson rozi bo‘lsa, "An-Nasr" kerakli tovon pulini to‘lab, shartnomani yopish niyatida darhol "Manchester Siti"ga murojaat qiladi.

Avvalroq Ederson ko‘proq pul ishlash uchun Saudiya Arabistoniga ko‘chib o‘tishga qarshi emasligi haqida xabar berilgandi.