To‘rt karra NBA chempioni Lebron Jeyms "Los-Anjeles Leykers" bilan yangi shartnomaga rozi bo‘ldi. Bu haqda ESPN xabar bermoqda.
39 yoshli Jeyms bu yozda erkin agentga aylanishi mumkin. Yangi kelishuv muddati ikki yil, shartnoma summasi 104 million dollarni tashkil etdi.
Shu tariqa, Jeyms 19 yoshli o‘g‘li Bronni bilan bir jamoada o‘ynashi mumkin bo‘ladi, uni iyun oyida «Leykers» chaqirib olgan.
O‘tgan mavsumda «Leykers» birinchi bosqichda «Denver»ga yutqazib, NBA pley-off bosqichidan chiqib ketgandi.
2018 yildan beri «Leykers» safida o‘ynayotgan LeBron Jeyms tarixdagi eng yaxshi basketbolchilardan biri sanaladi.
U to‘rt karra NBA chempioni (ikkitasi Mayami bilan, bittadan Klivlend va Leykers bilan), to‘rt karra NBA finalining eng yaxshi o‘yinchisi va to‘rt karra NBAning eng qimmat o‘yinchisi. Basketbolchi AQSH terma jamoasi tarkibida ikkita Olimpiya oltin medaliga ega (2008, 2012). U Parijda bo‘lib o‘tadigan Olimpiadada AQSH terma jamoasi safida o‘ynaydi.
