"Tottenxem"ning o‘ng qanot himoyachisi Emerson Royal "Milan"ga o‘tishga yaqin.
Braziliyalik futbolchining "Milan"ga o‘tishi haqidagi ma’lumotlar o‘tgan mavsumda paydo bo‘lgandi. Jurnalist Nikolo Skiraning xabar berishicha, “rossonerilar” hozir Emerson bilan shartnoma shartlarini kelishib olishga muvaffaq bo‘lishdi. 25 yoshli futbolchi A Seriya grandi bilan 2029 yilgacha shartnoma imzolashga tayyor. "Milan" hozirda "Tottenxem"ni transferni ma’qullashga ko‘ndirmoqchi.
Emerson Royal "shporlar" safida so‘nggi mavsumda 24 ta o‘yinda maydonga tushib, bitta gol urgan. Ko‘p qirrali himoyachiga Ispaniyaning "Vilyarreal" klubi ham qiziqish bildirgan.
