2024 yilgi O‘zbekiston kubogi mavsumini “Metallurg” G guruhida boshladi va “Sirdaryo” FA hamda “Do‘stlik” jamoalari ustidan g‘alaba qozondi. Farg‘onaning “Neftchi” jamoasi bilan safar uchrashuvida durang o‘ynadi va guruhida birinchi o‘rinni egallab, nimchorak final yo‘llanmasini rasmiylashtirdi.

Nimchorak finaldagi raqib – “Surxon” jamoasi bilan “Metallurg” O‘zbekiston kubogi doirasida ikki marta to‘qnash kelgan. Birinchi bellashuv 1994 yilgi mavsumda 1/16 finalda kuzatilgan va o‘shanda ikki o‘yin natijasiga ko‘ra “Metallurg” keyingi raund yo‘llanmasini qo‘lga kiritgan: ASK (Termiz) – “Metallurg” (Bekobod) – 2:1, 1:4. Oradan sakkiz yil o‘tib mazkur jamoalar nimchorak finalda duch kelishdi va bu safar ikki o‘yin natijasiga ko‘ra termizliklar bahslarni davom ettiradigan bo‘lishdi: 2002-2003 yil. 1/8 final: “Surxon” – “Metallurg” – 3:0, 1:3.

Mazkur jamoalarning o‘zaro uchinchi to‘qnashuvini muxlislar 21 yil kutishdi. 2024 yilgi mavsumda keyingi bosqich masalasini bitta o‘yin hal etadi. Jamoalarning beshinchi bellashuvida kim g‘alaba qozonadi. Buni bugun Olmaliq shahrida bo‘lib o‘tadigan o‘yinda bilib olamiz. Uchrashuv soat 20:30 da boshlanadi.