"Manchester Siti" bosh murabbiyi Pep Gvardiola Ederson ketsa, qaysi darvozabonni jamoaning birinchi raqamli darvozaboni sifatida ko‘rishni xohlashini hal qildi. Eslatib o‘tamiz, braziliyalik posbon Saudiya Arabistonining "An-Nasr" klubi bilan muzokara olib bormoqda.
Jurnalist Fabrisio Romano bergan ma’lumotlarga ko‘ra, agar Ederson ketsa, so‘nggi ikki mavsumda braziliyalik futbolchiga o‘rinbosar bo‘lgan Stefan Ortega "Manchester Siti"ning asosiy darvozaboni bo‘ladi. "Manchester Siti" Ederson "An-Nasr" bilan muzokara olib borayotganidan xabardor. Agar darvozabon ketishni talab qilsa, rahbariyat futbolchining yo‘liga to‘sqinlik qilmaydi.
Eslatib o‘tamiz, braziliyalik futbolchiga yiliga 30 million yevro maosh bilan ikki yillik shartnoma taklif qilingandi.
