"Манчестер Сити" бош мураббийи Пеп Гвардиола Эдерсон кетса, қайси дарвозабонни жамоанинг биринчи рақамли дарвозабони сифатида кўришни хоҳлашини ҳал қилди. Эслатиб ўтамиз, бразилиялик посбон Саудия Арабистонининг "Ан-Наср" клуби билан музокара олиб бормоқда.

Журналист Фабрицио Романо берган маълумотларга кўра, агар Эдерсон кетса, сўнгги икки мавсумда бразилиялик футболчига ўринбосар бўлган Стефан Ортега "Манчестер Сити"нинг асосий дарвозабони бўлади. "Манчестер Сити" Эдерсон "Ан-Наср" билан музокара олиб бораётганидан хабардор. Агар дарвозабон кетишни талаб қилса, раҳбарият футболчининг йўлига тўсқинлик қилмайди.

Эслатиб ўтамиз, бразилиялик футболчига йилига 30 миллион евро маош билан икки йиллик шартнома таклиф қилинганди.