Portugaliya terma jamoasi bosh murabbiyi Roberto Martines Yevropa chempionati chorak finalida Fransiya bilan bo‘ladigan o‘yindan oldingi fikrlari bilan o‘rtoqlashdi.
"Biz Fransiya bilan bo‘ladigan o‘yinga tayyormiz va bor e’tiborimizni ushbu o‘yinga qaratganmiz. Fransuzlar kuchli, lekin chiziqlar orasidagi bo‘shliqni qoldirishi mumkin. Ular muammo tug‘dirishi mumkin, ammo umid qilamanki, biz ko‘proq golli vaziyatlar yaratamiz. Ushbu bosqichda yangi tafsilotlar oldinga chiqadi. Endi g‘olibni penaltilar seriyasi orqali aniqlash mumkin. Muhim lahzalar individual mahorat orqali yaratiladi", - dedi Martines UYEFA matbuot xizmatiga.
Portugaliya va Fransiya o‘rtasidagi o‘yin 5 iyul kuni bo‘lib o‘tadi.
