Португалия терма жамоаси бош мураббийи Роберто Мартинес Европа чемпионати чорак финалида Франция билан бўладиган ўйиндан олдинги фикрлари билан ўртоқлашди.
"Биз Франция билан бўладиган ўйинга тайёрмиз ва бор эътиборимизни ушбу ўйинга қаратганмиз. Французлар кучли, лекин чизиқлар орасидаги бўшлиқни қолдириши мумкин. Улар муаммо туғдириши мумкин, аммо умид қиламанки, биз кўпроқ голли вазиятлар яратамиз. Ушбу босқичда янги тафсилотлар олдинга чиқади. Энди ғолибни пенальтилар серияси орқали аниқлаш мумкин. Муҳим лаҳзалар индивидуал маҳорат орқали яратилади", - деди Мартинес УЕФА матбуот хизматига.
Португалия ва Франция ўртасидаги ўйин 5 июль куни бўлиб ўтади.
