O‘zbekiston kubogi 1/8 finalidan o‘rin olgan “Navbahor” – “Buxoro” jamoalari o‘rtasidagi uchrashuv arafasida “lochinlar”ning serbiyalik 31 yoshli tajribali yarim himoyachisi Yovan Jokich bo‘lajak o‘yin haqidagi fikrlari bilan o‘rtoqlashdi.

– Bo‘lajak raqibimiz “Buxoro” joriy mavsum o‘yinlarini yaxshi o‘tkazmoqda va ayni paytda Pro liga peshqadami bo‘lib turibdi. Shu bois, buxoroliklar jamoamizga mazkur bahsda munosib qarshilik ko‘rsatishga intilishadi.

Umuman olganda, Namanganda har qanday raqib “Navbahor”ga qarshi yaxshi o‘yin namoyish etishga harakat qiladi va bo‘lajak bellashuv ham bundan mustasno bo‘lmaydi, albatta.

Xabaringiz bor, O‘zbekiston Superligasi 1-davrasining so‘nggi o‘yinlarida salbiy natijalar qayd etib, jamoamiz muxlislarini ranjitib qo‘ydik. Shu bois, bo‘lajak bellashuvda ishqibozlarga quvonch ulashish uchun barcha imkoniyatimizni ishga solamiz.

Muxlislardan esa jamoamizni bevosita stadionda munosib tarzda qo‘llab-quvvatlab, g‘alabamizga madadkor bo‘lishlarini so‘rab qolaman.

Biz esa ularning ishonchlarini oqlashga intilamiz, - dedi Yovan Jokich.