Ekvador futbol federasiyasi milliy terma jamoa bosh murabbiyi iste’foga chiqqanini e’lon qildi.
Jamoa Amerika kubogi chorak finalida Argentinaga (1:1, penaltilar bo‘yicha 2:4) mag‘lub bo‘ldi.
48 yoshli Feliks Sanches Bas 2023 yildan beri Ekvador termasini boshqaradi.
Ispaniyalik mutaxassis qo‘l ostida ekvadorliklar 10 marta g‘alaba qozonishgan, 3 marta durang o‘ynagan va olti marta mag‘lubiyat alamini totib ko‘rgan.
“Bugun Feliks Sanches Bas bilan shartnomani bekor qilishga kelishib olindi. Biz unga va butun murabbiylar shtabiga mehnatlari va professionalligi uchun minnatdorchilik bildiramiz va kelgusidagi loyihalarida muvaffaqiyatlar tilaymiz”, — deyiladi federasiya xabarida.
