Эквадор футбол федерацияси миллий терма жамоа бош мураббийи истеъфога чиққанини эълон қилди.
Жамоа Америка кубоги чорак финалида Аргентинага (1:1, пенальтилар бўйича 2:4) мағлуб бўлди.
48 ёшли Феликс Санчес Бас 2023 йилдан бери Эквадор термасини бошқаради.
Испаниялик мутахассис қўл остида эквадорликлар 10 марта ғалаба қозонишган, 3 марта дуранг ўйнаган ва олти марта мағлубият аламини тотиб кўрган.
“Бугун Феликс Санчес Бас билан шартномани бекор қилишга келишиб олинди. Биз унга ва бутун мураббийлар штабига меҳнатлари ва профессионаллиги учун миннатдорчилик билдирамиз ва келгусидаги лойиҳаларида муваффақиятлар тилаймиз”, — дейилади федерация хабарида.
