Madridning “Real” klubi va Fransiya terma jamoasi yarim himoyachisi Orelyen Tchuameni Toni Kroosning faoliyatini yakunlagani haqida fikr bildirdi. Eslatib o‘tamiz, kecha Germaniya terma jamoasi Ispaniyaga qo‘shimcha bo‘limlarda imkoniyatni boy berib, Yevro-2024dan chiqib ketdi. Bu o‘yin 34 yoshli Kroosning faoliyatidagi so‘nggisi bo‘ldi.
“Toniga qanday xabar yuborishim mumkin? Hammasi uchun rahmat. Futbol tarixidagi eng yaxshi yarim himoyachilardan biri bilan birga o‘ynash menga zavq bag‘ishladi", - deya Tchuameni so‘zlarini keltirmoqda Madrid Xtra.