Yevrodan so‘ng faoliyatini yakunlamoqchi bo‘lgan italiyalik Daniele Orsato turnirning final o‘yinida hakamlik qilish uchun asosiy da’vogar hisoblanadi, deb yozdi La Gazette dello Sport.
Orsato 2020 yilgi Chempionlar ligasi finalida ishlagan va Qatarda bo‘lib o‘tgan jahon chempionatining ochilish o‘yini va yarim finalida hakamlik qilgan.
Joriy Yevroda 48 yoshli italiyalik mutaxassis allaqachon to‘rtta o‘yinni boshqargan, jumladan, Angliya - Shveysariya chorak final (1:1, 5:3 penaltilar) o‘yinidan keyin unga nisbatan hech qanday shikoyatlar bo‘lmagan.
Italiya terma jamoasining 1/8 finaldan chiqib ketishi va uning hamyurti Vinchenso Montella boshchiligidagi Turkiyaning Niderlandiya bilan chorak finalda (1:2) mag‘lub bo‘lishi ham Orsato foydasiga ishlashi mumkin.
Orsatoning finaldagi asosiy raqibi 2022 yilgi jahon chempionati finalida va 2023 yilgi Chempionlar ligasi finalida ishlagan polshalik Shimon Marsinyak hisoblanadi.
