Bilbaoning "Atletik" klubi vingeri Niko Uilyams faoliyatini "Barselona"da davom ettirishi mumkin.

Jurnalist Matteo Morettoning so‘zlariga ko‘ra, 21 yoshli futbolchi unga jiddiy qiziqish bildirayotgan "Barselona"ga o‘tmoqchi.

Manbaga ko‘ra, "ko‘k-anorranglilar" vakillari allaqachon Uilyamsning atrofidagilar bilan aloqada bo‘lishgan. Qayd etilishicha, kelishuv hali yakunlanishidan juda uzoq.

O‘tgan mavsumda Uilyams barcha musobaqalarda 37 ta o‘yinda qatnashib, 8 ta gol urdi va 19 ta golli uzatmani amalga oshirdi. Transfermarkt portali futbolchining narxini 60 million yevroga baholamoqda.