Бильбаонинг "Атлетик" клуби вингери Нико Уильямс фаолиятини "Барселона"да давом эттириши мумкин.
Журналист Маттео Мореттонинг сўзларига кўра, 21 ёшли футболчи унга жиддий қизиқиш билдираётган "Барселона"га ўтмоқчи.
Манбага кўра, "кўк-анорранглилар" вакиллари аллақачон Уильямснинг атрофидагилар билан алоқада бўлишган. Қайд этилишича, келишув ҳали якунланишидан жуда узоқ.
Ўтган мавсумда Уильямс барча мусобақаларда 37 та ўйинда қатнашиб, 8 та гол урди ва 19 та голли узатмани амалга оширди. Transfermarkt портали футболчининг нархини 60 миллион еврога баҳоламоқда.
