Italiya terma jamoasi himoyachisi Leonardo Spinassola manfaatlarini himoya qiluvchi agent Davide Lippi SE nashriga bergan intervyusida futbolchining "Napoli" bilan shartnoma imzolaganini ma’lum qildi. Oldinroq italiyalik neapolliklar bilan 2026 yilning yoziga qadar shartnoma tuzishga kelishib olgani haqida xabar berilgandi.
“Biz “Napoli” bilan shartnoma imzoladik. Bu bugun ertalab sodir bo‘ldi", dedi Lippi SE nashriga.
Spinassolaning avvalgi klubi "Roma" edi. Futbolchi 2023/24 yilgi mavsumda rimliklar safida barcha musobaqalarda 36 ta o‘yinda maydonga tushib, 1 ta gol urdi va 4 ta golli uzatmani amalga oshirdi.
2023/24 yilgi mavsum oxirida futbolchi shartnomasi muddati tugashi munosabati bilan “Roma”ni tark etdi.