Xames Rodriges Amerika kubogida oltinchi golli uzatmani amalga oshirdi.
Kolumbiya terma jamoasi yarim final bahsida Urugvay termasini mag‘lub etib (1:0) turnir finaliga chiqdi.
O‘yinning 39-daqiqasida Jefferson Lerma Xames Rodrigesning uzatmasidan so‘ng gol urdi.
Bu golli uzatma 32 yoshli kolumbiyalik yarim himoyachi uchun ushbu turnirdagi beshta uchrashuvdagi oltinchi assist bo‘ldi.
Shu tariqa, Xames 2011 yildan beri Amerika Kubogida oltita golli uzatmani amalga oshirgan birinchi futbolchiga aylandi.
Yarim himoyachi 2021 yilgi turnirda beshta golli uzatmani amalga oshirgan Lionel Messidan ham o‘zib ketdi.
