Argentina terma jamoasi hujumchisi Lionel Messi terma jamoalarning eng yaxshi to‘purarlari reytingida ikkinchi o‘rinda bormoqda.

37 yoshli futbolchining Amerika kubogi yarim finalida Kanadaga qarshi o‘yinda urgan goli uning “Albiseleste” safidagi 109-goli bo‘ldi.

Endi Messi Eron futboli afsonasi Ali Dayeidan (108) o‘zib ketdi va milliy terma jamoalar tarixidagi eng yaxshi to‘purarlar ro‘yxatida ikkinchi bo‘ldi.

Krishtianu Ronaldu peshqadamlik qilmoqda - u Portugaliya safida 130 ta gol urgan.

Kechagi o‘yin Lionel Messining Argentina terma jamoasi safidagi 186-o‘yiniga aylandi. Ronaldu Portugaliya terma jamoasi safida 212 ta o‘yin o‘tkazgan.