A Seriya klublari yevrokuboklardan chetlashtirilishi mumkin, deb xabar beradi La Repubblica nashri. Bundan tashqari, Italiya Yevro-2032 mezbonlik qilish huquqidan mahrum qilinishi mumkin.
Manbaga ko‘ra, UYEFA va FIFAning bunday jazosi Italiyaning o‘ng qanot partiyasi a’zosi Jorjo Mulening "Sport to‘g‘risida"gi Farmonni qabul qilish taklifi bilan chiqqani sababli yuzaga kelishi mumkin, bu esa futbolchilarga sport sudlari orqali emas, balki bevosita birinchi instansiya ma’muriy sudlariga apellyasiya berish imkonini beradi. Bundan tashqari, ushbu hujjat Italiya ligalariga mahalliy futbol federasiyasidan (FIGC) to‘liq mustaqillik beradi.
UYEFA va FIFAning fikricha, bunday Farmonning qabul qilinishi mamlakat rasmiylarining sportga aralashuvini anglatadi. Ta’kidlanishicha, ushbu tashkilotlar allaqachon Italiya futbol federasiyasiga xat jo‘natgan va unda Mulening futbol tizimiga oid takliflarining zarari qayd etilgan. UYEFA va FIFA, shuningdek, Mulening tuzatishlari ma’qullansa, ular FIGC faoliyatini to‘xtatib qo‘yishgacha bo‘lgan choralarni ko‘rishga majbur bo‘lishlarini ta’kidladilar.
