"Bavariya" vinger Kingsli Koman bo‘yicha transfer takliflarini ko‘rib chiqadi. 28 yoshli futbolchi myunxenliklarning yangi boshqaruvchisi Vensan Kompani rejalariga kiritilmagan, shuning uchun uni joriy transfer oynasida sotish mumkin.
Insayder Ekrem Konurning xabar berishicha, “Bavariya” fransiyalik futbolchining transferidan taxminan 60-65 million yevro ishlab olmoqchi.
Komanning Bundesliga grandi bilan amaldagi shartnomasi 2027 yilning o‘rtalariga qadar tuzilgan. O‘tgan mavsumda Kingsli "Bavariya"ning barcha turnirlar doirasidagi 27 ta o‘yinida 5 ta gol urdi va 3 ta golli uzatmani amalga oshirdi.
