Argentina terma jamoasi yarim himoyachisi Anxel Di Mariya Amerika kubogi-2024dan keyin terma jamoadagi faoliyatini yakunlash haqidagi qarorini o‘zgartirmaganini aytdi.
“Mening qarorim qabul qilindi. Ilgari ba’zilar ketishimni istashardi, endi esa davom etishimni xohlashadi. Jamoa bilan erishgan barcha yutuqlarimdan keyin men u bilan xotirjam xayrlasha olaman. Ammo, bu meni xafa qiladi, chunki terma jamoa men o‘zimni eng baxtli his qiladigan joy.
Argentina futbolkasini kiysangiz, faqat vataningizni himoya qilish haqida o‘ylaysiz. Argentina uchun 15 yil davomida bor kuchimni berdim va ko‘plab yosh futbolchilar bu futbolkani kiyish imkoniyatiga loyiq. Uzoqlashish vaqti keldi. Men futboldan tashqarida hayot bor yoki yo‘qligini bilmoqchiman", - deya Di Mariyaning so‘zlarini keltiradi L'Equipe.
