Аргентина терма жамоаси ярим ҳимоячиси Анхель Ди Мария Америка кубоги-2024дан кейин терма жамоадаги фаолиятини якунлаш ҳақидаги қарорини ўзгартирмаганини айтди.
“Менинг қарорим қабул қилинди. Илгари баъзилар кетишимни исташарди, энди эса давом этишимни хоҳлашади. Жамоа билан эришган барча ютуқларимдан кейин мен у билан хотиржам хайрлаша оламан. Аммо, бу мени хафа қилади, чунки терма жамоа мен ўзимни энг бахтли ҳис қиладиган жой.
Аргентина футболкасини кийсангиз, фақат ватанингизни ҳимоя қилиш ҳақида ўйлайсиз. Аргентина учун 15 йил давомида бор кучимни бердим ва кўплаб ёш футболчилар бу футболкани кийиш имкониятига лойиқ. Узоқлашиш вақти келди. Мен футболдан ташқарида ҳаёт бор ёки йўқлигини билмоқчиман", - дея Ди Мариянинг сўзларини келтиради L'Equipe.
